پاکستان کی معروف اداکارہ مایا خان کے والد انتقال کر گئے ہیں جس کی اطلاع انہوں نے سوشل میڈیا کے ذریعے دی۔
اداکارہ مایا خان نے انسٹاگرام پر اپنے والد کے انتقال کی خبر شیئر کرتے ہوئے انہیں یاد کیا اور مداحوں سے مرحوم کے لیے دعا کی اپیل بھی کی۔
انہوں نے لکھا کہ میرے والد، جنہیں میں محبت سے ”بابا جان“ کہتی تھی، دنیا سے رخصت ہو گئے ہیں۔
تاہم مرحوم سابق وزیراعظم لیاقت علی خان کے نواسے تھے، وہ اپنے پیچھے اہلیہ اور تین بچوں کو سوگوار چھوڑ گئے ہیں۔
یہ امر بھی قابلِ ذکر ہے کہ مایا خان پہلے ہی اپنی والدہ کے انتقال کا صدمہ برداشت کر چکی ہیں اور اب ایک بار پھر انہیں خاندان کے قریبی فرد کے انتقال کا دکھ جھیلنا پڑا ہے۔
