پاک فضائیہ کا ایرانی صدر کی پاکستان آمد پر شاندار فضائی استقبال
فضائی فارمیشن لیڈر نے وزیراعظم پاکستان اور عوام کی جانب سے نیک تمناؤں کا اظہار کیا۔
-
ویب ڈیسک -
اسلام آباد: پاک فضائیہ کے جنگی طیاروں نے ایرانی صدر ڈاکٹر مسعود پزشکیان کی پاکستان آمد پر شاندار فضائی استقبال کیا۔
ایرانی صدر کے طیارے کو پاکستانی فضائی حدود میں داخل ہوتے ہی خصوصی اسکواڈ نے سلامی دی۔ جے ایف 17 تھنڈر اور ایف 16 طیاروں پر مشتمل چھ جہازوں کی فارمیشن نے فضائی استقبال کیا۔
فضائی فارمیشن لیڈر کی جانب سے وزیراعظم پاکستان اور عوام کی نیک تمناؤں کا اظہار کیا گیا۔
ایرانی صدر کا دورہ پاکستان دونوں ممالک کے درمیان برادرانہ تعلقات کی عکاسی ہے۔ یہ دورہ دفاعی تعاون اور دوطرفہ تعلقات کے فروغ کے عزم کا اعادہ بھی ہے۔
جے ایف 17 اور ایف 16 طیارے پاکستان فضائیہ کی جدید صلاحیتوں کی علامت ہیں۔ یہ پاکستان کی جانب سے اعلیٰ شخصیات کے استقبال کی روایتی شاندار روایت کا تسلسل بھی ہے۔
یہ فضائی استقبال خطے میں امن، دوستی اور تعاون کے فروغ کا پیغام بھی ہے۔
