ملک میں فائیو جی سروس کا آغاز عنقریب
پی ٹی اے کے مطابق فائیو جی اسپیکٹرم کی نیلامی سے حکومت کو 510 ملین ڈالرز ریونیو حاصل ہوگا
-
ملک سعید اعوان -
ملک بھر میں فائیو جی سروس کے آغاز سے متعلق بڑی پیش رفت، پی ٹی اے نے تینوں ٹیلی کام کمپنیوں کو فائیو جی لائسنس جاری کردیے جس کے بعد فائیو جی سروس کے آغاز میں اب کچھ ہی وقت باقی رہ گیا ہے۔
فائیو جی لائسنس کی تقریب وزیر اعظم ہاوس میں منعقد کی گئی جس میں وفاقی وزیر آئی ٹی شزہ فاطمہ، چیئرمین پی ٹی اے اور ٹیلی کام کمپنیوں کے سی ای اوز کے علاوہ وفاقی کابینہ کے اراکین نے بھی شرکت کی۔
واضح رہے کہ پاکستان ٹیلی کمیونیکیشن اتھارٹی (پی ٹی اے) نے حال ہی میں فائیو جی اسپیکٹرم کی نیلامی کا عمل مکمل کیا جس میں 597 میگا ہرٹز میں سے 480 میگا ہرٹز اسپیکٹرم نیلام کیا گیا۔
پی ٹی اے کے مطابق فائیو جی اسپیکٹرم کی نیلامی سے حکومت کو 510 ملین ڈالرز ریونیو حاصل ہوگا۔
