شہر قائد میں آج کہاں کتنی بارش ہوئی؟ اعدادوشمار سامنے آ گئے
گلشن حدید میں 17 ملی میٹر بارش ریکارڈ کی گئی
-
ویب ڈیسک -
محکمہ موسمیات پاکستان کے مطابق کراچی کے مختلف علاقوں میں صبح 6 بجے سے شام 5 بجے تک ہونے والی بارش کے اعداد و شمار جاری کر دیے گئے، جس میں شہر کے کئی علاقوں میں تیز اور کہیں کہیں موسلا دھار بارش ریکارڈ کی گئی۔
اعداد و شمار کے مطابق سب سے زیادہ بارش ناظم آباد میں 69.9 ملی میٹر ریکارڈ کی گئی۔ اس کے علاوہ کیماڑی میں 56 ملی میٹر، سعدی ٹاؤن میں 48 ملی میٹر جبکہ گلستان جوہر میں 44.2 ملی میٹر بارش ریکارڈ ہوئی۔
رپورٹ کے مطابق بحریہ ٹاؤن میں 43.5 ملی میٹر، اورنگی ٹاؤن میں 39.4 ملی میٹر اور گلشن معمار میں 36 ملی میٹر بارش ہوئی، جبکہ جناح ٹرمینل اور سرجانی ٹاؤن میں 35، 35 ملی میٹر بارش ریکارڈ کی گئی۔
دیگر علاقوں میں ڈی ایچ اے میں 33 ملی میٹر، اولڈ ایئرپورٹ پر 32.6 ملی میٹر اور شاہراہ فیصل پر 30.4 ملی میٹر بارش ہوئی، جبکہ ماڑی پور میں 29 ملی میٹر، نارتھ کراچی میں 28.8 ملی میٹر اور کورنگی میں 18.2 ملی میٹر بارش ریکارڈ کی گئی۔
اسی طرح گلشن حدید میں 17 ملی میٹر بارش ریکارڈ کی گئی۔
محکمہ موسمیات کے مطابق شہر میں وقفے وقفے سے بارش کا سلسلہ جاری رہنے کا امکان ہے، جس کے باعث نشیبی علاقوں میں پانی جمع ہونے کا خدشہ ظاہر کیا گیا ہے۔
