وزیراعلیٰ پنجاب مریم نواز شریف نے شاہی قلعہ میں 6 فروری کو ہونے والا شو منسوخ کر دیا گیا ہے۔
تفصیلات کے مطابق شاہی قلعہ لاہور میں بسنت سے متعلق میگا شو منعقد ہونا تھا۔ وزیراعلیٰ پنجاب کی ہدایت پر شاہی قلعہ شو منسوخی کا فیصلہ کیا گیا۔
شاہی قلعہ میں بسنت شو کی تمام تیاریاں روک دی گئیں۔ بسنت سے متعلق میگا ایونٹ 6 فروری کو شیڈول تھا جبکہ شو میں ملکی و غیر ملکی مہمانوں کی شرکت متوقع تھی۔
سفارتی شخصیات اور اہم مہمانوں کو منسوخی سے آگاہ کر دیا گیا ہے۔ وزیراعلیٰ پنجاب کی ہدایت پر متعلقہ محکموں کو فوری احکامات جاری کردیے گئے۔
7 فروری کو اندرون لاہور حویلی آصف جاہ میں بسنت کے حوالے سے ہونے والی تقریب بھی منسوخ کر دی گئی۔
