بھارتی طیاروں کے لیے پاکستان کی فضائی بندش میں مزید اضافہ، نوٹم جاری
فیصلہ موجودہ علاقائی صورتحال اور سکیورٹی خدشات کے پیشِ نظر کیا گیا ہے
-
ویب ڈیسک -
پاکستان سول ایوی ایشن اتھارٹی (پی اے اے) نے بھارتی طیاروں کے لیے پاکستانی فضائی حدود کی بندش میں مزید توسیع کر دی ہے۔
جاری کردہ نوٹم کے مطابق یہ پابندی اب 24 اپریل 2026 تک برقرار رہے گی، جس کے تحت بھارت میں رجسٹرڈ یا بھارتی ایئرلائنز و آپریٹرز کے زیرِ استعمال تمام طیاروں کو پاکستانی فضائی حدود استعمال کرنے کی اجازت نہیں ہوگی۔
حکام کے مطابق اس پابندی کا اطلاق نہ صرف کمرشل پروازوں بلکہ بھارتی فوجی طیاروں پر بھی ہوگا۔
ذرائع کا کہنا ہے کہ یہ فیصلہ موجودہ علاقائی صورتحال اور سکیورٹی خدشات کے پیشِ نظر کیا گیا ہے، جبکہ اس دوران بھارتی پروازوں کو متبادل راستے اختیار کرنا ہوں گے، جس سے ان کے سفر کے دورانیے اور اخراجات میں اضافہ ہو گا۔
