اسلام آباد مذاکرات: عالمی مارکیٹس میں ہلچل، تیل کی قیمت کیا رہی؟
امریکی خام تیل کی قیمت تقریباً 97 ڈالر 93 سینٹس فی بیرل تک پہنچ گئی
-
کفیل احمد -
اسلام آباد میں امریکا اور ایران کے درمیان ہونے والے مذاکرات نے عالمی سطح پر توجہ حاصل کر لی ہے اور پاکستان ایک بار پھر مؤثر سفارتکاری کے مرکز کے طور پر ابھر کر سامنے آیا ہے۔
ان مذاکرات کے اثرات عالمی منڈیوں پر بھی نمایاں دکھائی دے رہے ہیں جہاں تیل کی قیمتوں میں اضافہ ریکارڈ کیا گیا ہے۔
امریکی خام تیل کی قیمت تقریباً 97 ڈالر 93 سینٹس فی بیرل تک پہنچ گئی ہے جب کہ برطانوی خام تیل بھی قریب 96 ڈالر فی بیرل کی سطح پر ٹریڈ کر رہا ہے۔
دوسری جانب ایشیائی اسٹاک مارکیٹس میں مثبت رجحان دیکھنے میں آیا ہے جس میں چین کی مارکیٹ بھی شامل ہے جہاں سرمایہ کاروں کا اعتماد بہتر ہوتا نظر آ رہا ہے۔
