میرپورآزاد کشمیر کےغیورعوام نے کالعدم جوائنٹ عوامی ایکشن کمیٹی کےاحتجاج کا حصہ بننےسےانکار کردیا۔
تفصیلات کے مطابق میر پورآزاد کشمیر کے شہریوں کا کہنا تھا کہ لاک ڈاؤن سے کاروبار متاثراوردیہاڑی دار طبقہ پس جائے گا۔
ایک شہری کا کہنا تھا کہ احتجاج پرتشدد ہواتودشمن فائدہ اٹھائےگا،معاملے کاحل صرف مذاکرات کےذریعے کیا جائے، پاکستان اورکشمیرایک دوسرے سے جدا نہیں ہو سکتے،شرپسندی کی اجازت نہیں دی جائے گی۔
شہری نے مزید کہا کہ کالعدم جوائنٹ عوامی ایکشن کمیٹی کےاحتجاج سےآزاد کشمیرکا پرامن ماحول خراب ہو گا۔ کالعدم جوائنٹ عوامی ایکشن کمیٹی کےاعلان کےبرعکس میرپورمیں مارکیٹیں اورکاروباری مراکزکھلےہیں۔
مزید برآں کالعدم جوائنٹ عوامی ایکشن کمیٹی ہٹ دھرمی چھوڑے، اپنےمطالبات کےلیےمیزپرآکربات کرے۔ لاک ڈاؤن مسائل کاحل نہیں، میرپورکےعوام نے کالعدم عوامی ایکشن کمیٹی کےاحتجاج پرتحفظات کااظہاربھی کردیا۔
