عالمی مارکیٹ میں توانائی کی قیمتوں میں کمی کا رجحان دیکھا جا رہا ہے جہاں خام تیل اور قدرتی گیس دونوں کی قیمتیں نیچے آ گئی ہیں۔
لندن میں بینچ مارک برینٹ کروڈ کی قیمت کم ہو کر 72.38 ڈالر فی بیرل پر آگئی ہے جبکہ امریکی خام تیل ویسٹ ٹیکساس انٹرمیڈیٹ بھی کم ہو کر 69.41 ڈالر فی بیرل پر ٹریڈ ہو رہا ہے۔
اسی طرح مشرق وسطیٰ کے معیار کے مطابق مربان کروڈ کی قیمت بھی 66.30 ڈالر فی بیرل تک گر گئی ہے۔
قدرتی گیس کی عالمی قیمتوں میں بھی کمی دیکھی گئی ہے اور فی الحال گیس 3.3 ڈالر فی ایم ایم بی ٹی یو پر آ گئی ہے۔
ماہرین کے مطابق عالمی طلب اور سپلائی کے توازن میں تبدیلی اور معاشی غیر یقینی صورتحال توانائی کی قیمتوں میں اس کمی کی بڑی وجوہات ہو سکتی ہیں۔
