ایرانی وزیر خارجہ عباس عراقچی کی مختصر ٹیم کے ساتھ آج رات اسلام آباد میں آمد متوقع
امریکہ کی لاجسٹک اور سیکیورٹی ٹیم بھی مذاکراتی عمل کے لیے اسلام آباد میں پہلے سے موجود ہے
-
سلمان علی اعوان -
ایرانی وزیر خارجہ عباس عراقچی کی آج رات ایک مختصر وفد کے ہمراہ اسلام آباد آمد کا امکان ہے۔
حکومتی ذرائع کا کہنا ہے کہ دورے کے دوران وہ پاکستانی مصالحتی ٹیم کے ساتھ اہم ملاقاتیں اور تفصیلی مذاکرات کریں گے۔
حکام کے مطابق بات چیت کے نتیجے میں امریکا اور ایران کے درمیان اسلام آباد میں امن مذاکرات کے دوسرے مرحلے کے انعقاد کا امکان ہے جسے خطے میں کشیدگی کم کرنے کی ایک اہم پیش رفت قرار دیا جا رہا ہے۔
واضح رہے کہ امریکہ کی لاجسٹک اور سیکیورٹی ٹیم بھی مذاکراتی عمل کے لیے اسلام آباد میں پہلے سے موجود ہے۔
