پاکستانی شوبز انڈسٹری کی معروف اداکارہ نمرہ خان نے اپنی زندگی کے نئے باب کا آغاز کرتے ہوئے دوسری شادی کا اعلان کر دیا۔ اداکارہ نے سوشل میڈیا کے ذریعے مداحوں کو اس خوشخبری سے آگاہ کیا، جس کے بعد مبارکبادوں کا سلسلہ تیزی سے جاری ہے۔
انسٹاگرام پر لاکھوں فالوورز رکھنے والی نمرہ خان نے پیرس سے اپنی شادی کی تصاویر شیئر کیں، جن میں وہ گلابی لباس میں دکھائی دیں جبکہ ان کے شریکِ حیات گرے سوٹ میں ملبوس تھے۔
View this post on Instagram
اداکارہ نے فی الحال اپنے شوہر کی شناخت مکمل طور پر ظاہر نہیں کی، تاہم جذباتی پیغام میں کہا کہ ان کی محبت کی کہانی اللہ نے بہت پہلے لکھ دی تھی اور اب اس خوبصورت سفر کا باقاعدہ آغاز ہو چکا ہے۔
ایفل ٹاور کے سامنے لی گئی تصاویر کے ساتھ نمرہ خان نے اپنی خوشی کا اظہار کرتے ہوئے اس نئے رشتے کو اللہ کی رحمت قرار دیا۔ ان کی پوسٹ سامنے آتے ہی مداحوں، ساتھی فنکاروں اور شوبز شخصیات نے نیک تمناؤں کا اظہار کیا۔
View this post on Instagram
