شہریار چشتی کا سندھ میں سرمایہ کاری کے نئے مواقع میں گہری دلچسپی کا اظہار
ایشیاپاک پاکستان کے نمایاں ترین نجی سرمایہ کاروں میں شمار ہوتی ہے۔
-
ویب ڈیسک -
اسلام آباد: ایشیاپاک کے سی ای او شہریار چشتی نے سندھ میں سرمایہ کاری کے نئے مواقع میں گہری دلچسپی کا اظہار کردیا۔
ایشیاپاک کے چیف ایگزیکٹو آفیسر (سی ای او) شہریار چشتی نے آج ایوانِ صدر اسلام آباد میں منعقدہ ’’سندھ وژن‘‘ تقریب میں شرکت کی جس میں ملک کی اہم کاروباری اور سیاسی شخصیات شریک ہوئیں۔
اس موقع پر شہریار چشتی نے چیئرمین پاکستان پیپلزپارٹی بلاول بھٹو زرداری کی تقریر کو سراہتے ہوئے سندھ میں مستقبل کی سرمایہ کاری کے مواقع میں گہری دلچسپی کا اظہار کیا۔
انہوں نے سندھ کے ترقیاتی وژن اور سرمایہ کار دوست پالیسیوں کو مثبت پیش رفت قرار دیا۔
خیال رہے کہ ایشیاپاک پاکستان کے نمایاں ترین نجی سرمایہ کاروں میں شمار ہوتی ہے۔
کمپنی کی سرمایہ کاری مختلف اہم شعبوں میں موجود ہے جن میں کے الیکٹرک، تھرکول اور ڈائیوو ایکسپریس میں حصص شامل ہیں۔
