بلوچ خواتین کھیل کے میدان میں بھی آگے، فٹبالراسماء توجہ کا مرکز بن گئی
بلوچستان کی خواتین فٹبالرزکے ساتھ کھیلنے سے میرا شوق اوراعتماد مزید بڑھا کھیلوں کے میدان آباد کرنے میں والدین کا کرداراہم ہے، ننھی فٹبالر
-
ویب ڈیسک -
بلوچ خواتین زندگی کے ہر شعبےمیں شاندار صلاحیتوں کا مظاہرہ کرکے ملک اور صوبے کا نام روشن کررہی ہیں۔
بلوچستان سے تعلق رکھنے والی ساتویں جماعت کی فٹبالرطالبہ اسماء نے اپنی صلاحیتوں سے سب کو حیران کردیا۔
بلوچستان سے تعلق رکھنے والی ننھی فٹبالر اسماء نے کہا کہ پاکستان کی قومی فٹبال ٹیم میں شامل ہو کر ملک کا نام روشن کرنا چاہتی ہوں۔
ننھی فٹبالر کا کہنا تھا کہ بلوچستان کی خواتین فٹبالرزکے ساتھ کھیلنے سے میرا شوق اوراعتماد مزید بڑھا کھیلوں کے میدان آباد کرنے میں والدین کا کرداراہم ہے، بچیوں کو بھرپور مواقع دیے جائیں۔
فٹبالر اسماء نے مزید کہا کہ تعلیم کے ساتھ کھیل بھی ضروری ہیں، والدین بچیوں کا ٹیلنٹ سامنے لائیں تاکہ وہ پاکستان اوربلوچستان کا نام روشن کر سکیں بلوچستان کی خواتین کسی سے کم نہیں، میری طرح دوسری لڑکیوں کو بھی کھیلوں میں آگے آنا چاہیے۔
