پاکستان اور زمبابوے کے درمیان وائٹ بال سیریز ری شیڈول ہونے کا امکان
فیوچر ٹور پروگرام کے تحت زمبابوے ٹیم کا دورۂ پاکستان اپریل اور مئی میں طے تھا
-
ویب ڈیسک -
پاکستان کرکٹ بورڈ ( پی سی بی ) اور زمبابوے کرکٹ کے درمیان وائٹ بال سیریز کو ری شیڈول کرنے کے لیے بات چیت جاری ہے۔
ذرائع کے مطابق پاکستان سپر لیگ اور بنگلا دیش کے دورے کے باعث سیریز کے شیڈول میں تبدیلی پر غور کیا جا رہا ہے۔
مزید پڑھیں: محسن نقوی کی پاکستان ہاکی ٹیم سے ملاقات، کھلاڑیوں کو ملازمتین دینے کا اعلان
ذرائع کا کہنا ہے کہ فیوچر ٹور پروگرام کے تحت زمبابوے ٹیم کا دورۂ پاکستان اپریل اور مئی میں طے تھا، تاہم موجودہ صورتحال کے باعث سیریز اصل شیڈول کے مطابق نہیں ہو سکے گی۔
دونوں کرکٹ بورڈز کے درمیان رواں سال کے آخر میں سیریز کے لیے نئی ونڈو نکالنے پر مشاورت جاری ہے۔
ذرائع کے مطابق پاکستان اور زمبابوے کے درمیان وائٹ بال سیریز آئندہ برس تک ری شیڈول کیے جانے کا بھی امکان ہے۔
