سعودی عرب میں تیل کمپنی کا ہیلی کاپٹر گر کر تباہ، 14 افراد جاں بحق
ابتدائی رپورٹ کے مطابق حادثے کی وجہ فوری طور پر سامنے نہیں آ سکی
-
ویب ڈیسک -
سعودی عرب کے مشرقی علاقے راس تنورہ میں سعودی آرامکو کمپنی کا ایک ہیلی کاپٹر حادثے کا شکار ہوگیا جس کے نتیجے میں سوار تمام 14 افراد ہلاک ہوگئے۔
سعودی سرکاری میڈیا کے مطابق حادثہ اتوار کے روز پیش آیا جب ہیلی کاپٹر دورانِ پرواز گر کر تباہ ہوگیا۔ متاثرہ ہیلی کاپٹر سعودی آرامکو کی ملکیت تھا اور اس میں 14 افراد سوار تھے جو موقع پر ہی جان کی بازی ہار گئے۔
سرکاری خبر رساں ایجنسی (SPA) نے بتایا کہ متعلقہ حکام نے واقعے کی تحقیقات شروع کر دی ہیں تاکہ حادثے کی وجوہات معلوم کی جا سکیں۔ بیان میں جاں بحق افراد کے اہل خانہ سے تعزیت اور ہمدردی کا اظہار بھی کیا گیا ہے۔
ابتدائی رپورٹ کے مطابق حادثے کی وجہ فوری طور پر سامنے نہیں آ سکی۔
