جب تک کوئی معاہدہ نہیں ہوجاتا ہم ایران پر دباؤ ڈالتے رہیں گے، ٹرمپ

جب تک کوئی معاہدہ نہیں ہوجاتا ہم ایران پر دباؤ ڈالتے رہیں گے، ٹرمپ

وینزویلا کو امریکا کی 51ویں ریاست بنانے کے معاملے پر بھی سنجیدگی سے غور کر رہے ہیں

امریکی صدر ڈونلڈ ٹرمپ نے کہا ہے کہ جب تک کوئی معاہدہ نہیں ہوجاتا ہم ایران پر دباؤ ڈالتے رہیں گے۔

ڈونلڈ ٹرمپ نے فوکس نیوز کو دیے گئے انٹرویو میں کہا کہ آبنائے ہرمز میں ’’فریڈم پروجیکٹ‘‘ دوبارہ شروع کرنے پر غور کررہے ہیں۔

انہوں نے دعویٰ کیا کہ وینزویلا کو امریکا کی 51ویں ریاست بنانے کے معاملے پر بھی سنجیدگی سے غور کر رہے ہیں۔

ٹرمپ نے کہا کہ جب تک ایران کے ساتھ کوئی معاہدہ نہیں ہو جاتا، امریکا تہران پر دباؤ برقرار رکھے گا۔ ایران کی سخت گیر قیادت پسپائی اختیار کرنے پر مجبور ہورہی ہے۔

امریکی صدر نے مزید کہا کہ ایران کے پاس اپنے جوہری ذخیرے کو منتقل کرنے کی ٹیکنالوجی موجود نہیں جب کہ مذاکرات کاروں نے بھی اعتراف کیا ہے کہ اس معاملے میں انہیں امریکا کی ضرورت پڑے گی۔

ڈونلڈ ٹرمپ نے دعویٰ کیا کہ ایران کو بالآخر ہتھیار ڈالنا ہوں گے اور اس کی سخت گیر قیادت کو پیچھے ہٹنا پڑے گا۔