بے خبر ڈرائیور نے ٹرالر کے سائے میں آرام کرنے والے مزدوروں کو روند ڈالا

بے خبر ڈرائیور نے ٹرالر کے سائے میں آرام کرنے والے مزدوروں کو روند ڈالا، ویڈیو دیکھیں

جاں بحق افراد کی شناخت 25 سالہ ارشد اور 30 سالہ ضمیر کے نام سے ہوئی ہے، پولیس

کراچی: شہر قائد کے علاقے لانڈھی میں ٹریلر کے نیچے سوئے دو مزدور جاں بحق ہونے کے واقعے کی سی سی ٹی وی ویڈیو سامنے آگئی ہے۔

شدید گرمی سے بچنے کے لیے دو مزدور ایک کھڑے ٹریلر کے نیچے جاکر لیٹ گئے اور اسی دوران انہیں نیند آگئی۔ اسی اثنا میں ڈرائیور جو اس تمام صورتحال سے بے خبر تھا وہ گاڑی اسٹارٹ کرکے روانہ ہوگیا۔

ٹریلر چلنے کے نتیجے میں دونوں مزدور اس کے نیچے آکر بری طرح کچلے گئے اور موقع پر ہی دم توڑ گئے۔ واقعے کی ویڈیو سامنے آنے کے بعد سوشل میڈیا پر افسوس اور تشویش کا اظہار کیا جارہا ہے۔

استغفرُللہ استغفرُللہ 🙏
ایسی جگہ پر کبھی نہیں لیٹنا چاہئے
کراچی میں دو مزدور ایک کھڑے ٹرالر کے سائے میں لیٹے آرام کر رہے تھے ڈرائیو بے خبر تھا اس نے گاڑی چلا دی 🙆‍♂️ pic.twitter.com/S1eDkA8WkC

— بانکے میاں (@bankay_mian62) May 2, 2026

پولیس کے مطابق جاں بحق افراد کی شناخت 25 سالہ ارشد اور 30 سالہ ضمیر کے نام سے ہوئی ہے تاہم تاحال مقدمہ درج نہیں کیا جاسکا۔

حکام کا کہنا ہے کہ واقعے میں ملوث ٹریلر ڈرائیور فرار ہے جس کی گرفتاری کے لیے کوششیں جاری ہیں جب کہ یہ واقعہ دو روز قبل پیش آیا تھا۔