امریکا نے پاکستان سمیت 75 ممالک کے لیے امیگرنٹ ویزا پراسیسنگ غیر معینہ مدت کے لیے روک دی
محکمہ خارجہ کے مطابق کئی ممالک کے شہری غلط بیانی کرکے امریکا آتے ہیں
-
ویب ڈیسک -
امریکی محکمہ خارجہ نے اعلان کیا ہے کہ پاکستان سمیت 75 ممالک کے شہریوں کے لیے امیگرنٹ ویزا پراسیسنگ غیر معینہ مدت کے لیے معطل کر دی گئی ہے۔
یہ فیصلہ پبلک چارج رول کے تحت لیا گیا اور اس کی وجہ ویزا فراڈ، جانچ پڑتال، اور حکومت پر بوجھ بننے کے خدشات بتائے گئے ہیں۔
محکمہ خارجہ کے مطابق کئی ممالک کے شہری غلط بیانی کرکے امریکا آتے ہیں اور ویزا حاصل کرنے کے بعد واپس نہیں جاتے، جس سے ملک پر اضافی دباؤ پڑتا ہے۔
اس فہرست میں افغانستان، بنگلادیش، ایران، عراق، نیپال، روس، شام، یمن، اور پاکستان سمیت متعدد ممالک شامل ہیں۔
امریکا کا کہنا ہے کہ اس پابندی کا اطلاق 21 جنوری سے ہوگا اور تمام امیگرنٹ ویزا درخواستوں کا اسکریننگ عمل از سر نو جائزہ لیا جائے گا تاکہ ویزا فراڈ اور دیگر خطرات کو کم کیا جا سکے۔
