پرتگال کے اسٹار فٹبالر کرسٹیانو رونالڈو نے اپنے دیرینہ حریف لیونل میسی کے والد خورخے میسی کے انتقال پر اظہارِ تعزیت کرتے ہوئے انسانی جذبے کا اظہار کیا۔
لیونل میسی کے والد خورخے میسی 68 برس کی عمر میں طویل علالت کے بعد انتقال کر گئے۔ خورخے میسی نے اپنے بیٹے کے کیریئر میں اہم کردار ادا کیا اور کم عمری سے ہی ان کے نمائندے کے طور پر خدمات انجام دیتے رہے۔
والد کے انتقال پر لیونل میسی نے سوشل میڈیا پر اپنے والد کے ساتھ تصویر شیئر کرتے ہوئے جذباتی پیغام لکھا کہ ’ میں آپ سے محبت کرتا ہوں، ابو ‘۔
اس موقع پر کرسٹیانو رونالڈو نے بھی میسی کے لیے خصوصی پیغام بھیجا۔ رونالڈو نے لکھا کہ میں مشکل کی اس گھڑی میں آپ اور آپ کے اہلخانہ کیساتھ ہوں، آپ حوصلہ رکھیں۔
View this post on Instagram
رونالڈو کے اس پیغام کوہزاروں لوگوں نے پسند کیا۔ دونوں کھلاڑیوں کے درمیان میدان میں طویل عرصے تک سخت مسابقت رہی، تاہم ان کے درمیان باہمی احترام کی ایک جھلک ایک بار پھر سامنے آگئی۔
