اورنگی قصبہ اسلامیہ کالونی گھر میں نشئی بھائی نے اپنی حقیقی بہن کو قتل کر دیا اور موقع سے فرار ہوگیا۔
تفصیلات کے مطابق پیرآباد تھانے کے علاقے اورنگی قصبہ اسلامیہ کالونی نونہال اسکول کے قریب گھر سے خاتون کی لاش ملی جسے قتل کیا گیا۔
واقعے کی اطلاع ملنے پر پولیس موقع پر پہنچ گئی اور جائے وقوع سے شواہد اکٹھا کرنے کے لیے کرائم سین یونٹ کو طلب کرلیا، خاتون کی لاش قانونی کارروائی کے لیے عباسی شہید اسپتال منتقل کر دیا گیا۔
ایس ایچ او پیرآباد سراج خٹک نے بتایا کہ مقتولہ خاتون کی شناخت 35 سالہ حاویہ دختر بخت زمین کے نام سے کی گئی، مقتولہ خاتون شادی شدہ تھی اور اپنے میکے آئی ہوئی تھی۔
ایس ایچ او نے بتایا کہ مقتولہ خاتون کو اس کے حقیقی بھائی بیزوار نے قتل کیا، ملزم بیزوار نشے کا عادی ہے جو اپنی بہن کو قتل کرنے کے بعد موقع سے فرار ہوگیا۔
ایس ایچ او کا کہنا ہے کہ شبہ ہے خاتون کو گلا گھونٹ کر یا پھر کرنٹ لگا کر قتل کیا گیا، خاتون کی لاش پوسٹ مارٹم کے لیے اسپتال منتقل کی گئی ہے اور پوسٹ مارٹم کے دوران حتمی وجہ موت کا تعین ہو سکے گا۔
پولیس واقعے کی مزید تفتیش کر رہی ہے اور ملزم کی گرفتاری کے لیے چھاپے مار رہی ہے۔
Source link
