گلگت بلتستان انتخابات 2026 کے لیے امیدواروں سے پولنگ ایجنٹس کی تقرری کو یقینی بنانے کے لیے ریٹرننگ افسران نے نوٹسز جاری کر دیے۔
گلگت بلتستان انتخابات 2026 کےلیے امیدواروں سے پولنگ ایجنٹس کی تقرری کو یقینی بنانے کےلیے ریٹرننگ افسران نے نوٹسز جاری کر دیے
ریٹرننگ افسران کی جانب سے گلگت بلتستان کے تمام امیدواروں کے نام اہم مراسلہ جاری کیا گیا ہے، جس میں امیدواروں کو پولنگ ایجنٹس کی تفصیلات جمع کرانے کی ہدایت کی گئی ہے۔
مراسلے کے مطابق پولنگ ایجنٹس کی فہرست کے ساتھ شناختی کارڈ کی کاپی جمع کرانا لازمی قرار دیا گیا ہے جبکہ امیدوار کا دستخط شدہ اتھارائزیشن سرٹیفکیٹ بھی دستاویزات کا حصہ ہونا چاہیے۔
ریٹرننگ افسران نے دستاویزات جمع کرانے کی آخری تاریخ 30 مئی 2026 شام 5 بجے مقرر کی ہے۔
مراسلے میں واضح کیا گیا ہے کہ مقررہ وقت گزرنے کے بعد کوئی بھی دستاویز یا ڈیٹا قبول نہیں کیا جائے گا۔
