بجلی کی تقسیم کار کمپنیوں کی نجکاری میں اہم پیشرفت سامنے آگئی
ڈسکوز کی نجکاری سے متعلق کیس کو کابینہ کمیٹی کو بھجوانے کی بھی منظوری۔
-
ویب ڈیسک -
اسلام آباد: نجکاری کمیشن بورڈ نے بجلی کی تقسیم کار کمپنیوں فیسکو، گیپکو اور آئیسکو کی نجکاری سے متعلق بڑا فیصلہ کرتے ہوئے ان کے لیے فریم ورک منظور کرلیا ہے۔
کمیشن نے تینوں پاور ڈسٹری بیوشن کمپنیوں کی نجکاری کے لیے ٹرانزیکشن اسٹرکچر اور پری کوالیفکیشن معیار کی منظوری بھی دے دی۔
اس کے علاوہ ڈسکوز کی نجکاری سے متعلق کیس کو کابینہ کمیٹی کو بھجوانے کی بھی منظوری دی گئی۔
نجکاری کمیشن کے مطابق نجکاری کے بعد اصلاحات سے بجلی شعبے میں بہتری کی توقع ہے۔ سرمایہ کاروں کے لیے جلد اظہار دلچسپی طلب کیا جائے گا۔
دوسری جانب روزویلٹ ہوٹل کی نجکاری کے لیے سٹی بینک کنسورشیم کو کامیاب قرار دے دیا گیا ہے۔ کمیشن نے روزویلٹ ہوٹل کے لیے فنانشل ایڈوائزر کی تقرری کی بھی منظوری دے دی۔
نجکاری کمیشن نے شفاف اور تیز عملدرآمد جاری رکھنے کا عزم کیا ہے۔
